Svo fjölmennt var í jólakaffi Vinnslustöðvarinnar að þessu sinni að sumir fengu ekki sæti og urðu að standa en kvörtuðu samt hvergi. Að minnsta kosti 200 manns mættu í Golfskálann og svo margmennt hefur ekki verið á jólasamkomunni um árabil.

Jólakaffi VSV er árlegur viðburður á aðventunni. Stjórn starfsmannafélagsins undirbýr mannfagnaðinn og starfsmenn sáu um bakkelsið.

Guðni Hjálmarsson, prestur í Betel, flutti hugvekju. Elísabet Guðnadóttir og Helgi Tórzhamar fluttu ljúf jólalög og rétt er að benda á að en þau efna til tónleika, Jólahvísls, 21. desember í Hvítasunnukirkjunni í Vestmannaeyjum.

Jólasveinn mætti að sjálfsögðu og nestaði börn með sætindum fyrir heimferðina. Starfsmenn VSV voru líka leystir út með gjöfum.

Starfsmenn sem fagna fimmtugs- og sextugsafmælum um þessar mundir fengu armbandsúr af betri gerðinni að gjöf.

50 ára afmælisbörn:

• Sigfús Pétur Pétursson – Breki VE
• Jón Högni Stefánsson – Drangavík VE
• Haraldur Hannesson – Kap VE
• Gunnar Ingólfur Gíslason – Ísleifur VE
• Valdimar Gestur Hafsteinsson – Kap VE.

60 ára afmælisbörn:

• Magnús Jónasson – Ísleifur VE
• Grettir Ingi Guðmundsson – Brynjólfur VE
• Lech Bruszkiemicz – fiskvinnsla VSV.

Fjórir fengu armbandsúr í tilefni af starfslokum vegna aldurs. Þeim var jafnframt þakkað fyrir óeigingjarnt starf og góð verk í þágu félagsins:

• Sigurður Friðbjörnsson – fiskimjölsverksmiðja VSV
• Jónas Bergsteinsson – fiskimjölsverksmiðja  VSV
• Helgi Geir Valdimarsson – Ísleifur VE 
• Viðar Sigurbjörnsson – Hafnareyri.