Gullberg VE 292, nýtt skip Vinnslustöðvarinnar, kom til heimahafnar í Vestmannaeyjum í morgun frá Noregi. Tekið var á móti skipinu, Jóni Atla Gunnarssyni skipstjóra og áhöfn hans með blómum og breiðum brosum.

Formleg móttöku- og nafngiftarathöfn verður kl. 15 á fimmtudaginn kemur, 30. júní, og í kjölfarið býðst almenningi að skoða skipið.

Gullberg VE er fjórða uppsjávarskip Vinnslustöðvarinnar. Fyrir eru Huginn, Ísleifur og Sighvatur Bjarnason (sem áður hét Kap).

• Lilja B. Arngrímsdóttir tók meðfylgjandi myndir við höfnina í morgun. Á einni þeirra eru fyrirsætur Guðmunda Áslaug Bjarnadóttir, fiskverkandi og útgerðarmaður í Vestmannaeyjum og stjórnarmaður í Vinnslustöðinni, og Eyjólfur Guðjónsson, skipstjóri á Vinnslustöðvarskipinu Ísleifi VE. Hann er meðal afmælisbarna dagsins!